da

Nalilersuinerit ineriartortitsisut


Suliassat siammasissut suliarisinnaavakka:

  • Misissuinerit nalilersuinerillu ineriartortitsinissamik pingaartitsisut siunnersuutinillu imallit

  • Suliffeqarfinni allannguiniarnermi ineriartortitsiniarnermilu aqutsineq

  • Pikkorissaanerit

Ineriartortitsinissaq qitiutillugu misissuinerit suliarisarpakka paasisallu paasiuminartumik ingerlateqqittarlugit

Nalilersuinerit misissuinerillu ulluinnarni naammassisassanut ataqatigiisinnissaat anguniagaralugu suliarisarpakka. Taamaasilluni nalilersuineq naammassippat siunnersuutit suliffeqarfinni piviusunngortinnissaat aqqutissiuunnissaannut qaninnerusarpoq.

Paasissutissanik katersuineq apersuinikkut, apeqqutinik immersugassanik, nalunaarusianik inatsisinillu misissuinikkut imaluunniit suliffeqarfinni akuunikkut pisarpoq. Paasissutissanik katersuinermi oqaatsitsinnut inooriaasitsinnullu ilisimasakka nalitoorujussuupput, tassami misissueqqissaarnermi paasisat nutserneqartariaqannginnamik paatsoornissarlu ungasinnerulluni.

Misissuinermi paasisat ataatsimiinnerni, saqqummiinerni imaluunniit nalunaarusiani ingerlateqqinneqartarput. Tamanna kalaallisut qallunaatulluunniit pisinnaavoq.


Nalunaarusiaq tunniuppat suleqatigiinneq unittariaqanngilaq

Nalilersuititsereernermi nalunaarusiarlu tunniutereernerani suliffeqarfimmut suliaq annerpaaq pisarpoq - tassanimi piviusunngortitsiniaaneq allannguinerlu pisussaavoq. Piviusunngortitsiniaaneq pingaaruteqartorujussuuvoq tassanilu pisariaqarpoq paasissutissanik aallavilinnik aalajangiisarnissaq aqqut pitsaanerpaaq qulakkiissagaanni.

Tassani suleqataalluarsinnaavunga avataaniik pissutsit isigisinnaallugit kisianni aamma suliffeqarfiup iluani pissutsit pisariaqartitaalu ilisimalluarlugit. Tamanna assersuutigalugu pisinnnaavoq ataavartumik nalilersuinissamut periuusissiamik sananermik suliffeqarfimmilu nammineq nalilersuisinnaanermik pikkorissaanermik.

Taamaasiornikkut suleqatigiinneq suliffeqarfik ineriartortitsiniaanermi nammineq nalilersuisinnaalinnginnerani unissanngilaq. Piviusunngortitsiniaaneq taamaasilluni paasissutissanik aallaaveqalissaaq malinnaaffigilluarneqarlunilu.  

Nalilersuinerit misissuinerillu

Ineriartortsiniarnermi allannguiniarnermilu nalilersueriaatsinik misissueriaatsinillu immikkut ilisimasaqarpunga. Nalilersuinerit piffimmi pissutsit aallaavigaluit suliarineqartarput taamaasillunilu inernerit sulianut ataasiakkaanut ataqatigiittarlutik. Nalilersuinermi suliffeqarfik imaluunniit suliniut qanoq pitsanngorsarneqarsinnaanersoq qitiusarpoq, suliniut iluatsissimanersoq iluatsissimannginnersorluunniit akiinnarnagu. Isumanni nalilersuineq kingumut qiviarneruunnaassanngilaq akerlianilli siumut isigilluni qanoq pitsanngorsaasoqarsinnaanersoq paasinissaa pingaartittarpara.

Uanga isumanni nalilersuineq aappi naamimik imaluunniit kisitsisaannangorlugu akineqarsinnaanngilaq. Taamaammat marloqiusamik sulisarpunga, inuit qanimut oqaloqatigalugit kisitsisillu atortarlugit. Qanimut oqaloqateqarluni paasissutissanik katersuineq nukittoqutigisaasa ilagivaat apersukkanni eqqarsalersitsisarmat peqataatinneqartutullu misigilersitsisarluni. Misilittakkat aallaavigalugit aamma qanimut qaloqatigiinneq paasissutissanik ingerlatitseqqiinermi allannguiniarnermilu sulinermi oqinnermik qulakkeerinnittarpoq.

Nalilersuinissamut periuusissiornermi aallaaviusarput nalilersuinerup qanoq atorneqarnissaa, soqutigisaqartut kikkuunersut piffimmilu pissutsit qanoq isikkoqarnersut.

Suliffeqarfimmi nammineq qanoq nalilersuisinnaanerlutit ilikkaruk

Suliffeqarfimmi nalilersuisarneq pitsaasoq angussagaanni tamatigut pisariaqanngilaq avataaniik nalilersuititsinissaq. Ataavartumik nalilersuisarneq ulluinnarni sulianut atassuseraanni suliaq nalilersuinerlu pitsaanerpaaq pisarpoq. Pingaaruteqarnerpaaq tassaavoq nalilersuineq naammassisassaannartut isigineqarnersoq imaluunniit sulisut suliaminni ineriartortitsinermi atorluarsinnaaneraat.

Nalilersuisarnermi sulianni pingaartittarpara nalilersuinermi paasisat ulluinnarni sulianut atassuserluarnissaat atorsinnaanissaallu. Nalilersuinerup siunertaa piffimmi pissutsit aallaavigiuaannarpaat.

Nammineq nalilersuisinnaanngornissamut pikkorissaaninni pingaartittuaannarpara suliffeqarfimmi periarfissat sulisullu aallaavigalugit suliap ingerlannissaa. 

Pikkorissaanerit saqqummiinerillu

Nalilersueriaatsinut periuutsit suliffeqarfimmilu nammineq qanoq nalilersuineq ingerlanneqarsinnaanersoq pillugit pikkorissaanerit saqqummiinerillu ingerlattarpakka.

Suliarinikuusat



Avannaata Kommunea - Sparring og feedback på kommunens skolestrategi.

CSR Greenland - evaluering af QAQISA

Rambøll - input til KIVITSISA evalueringsdesign

Departementet for Erhverv - undersøgelse af NUIKI Uddannelsesløft - et bygdeprojekt i Grønland.